കടൽ കരയിൽ സന്ധ്യയുടെ കളിയാക്കൽ.

ദിനം വിഴുങ്ങുന്ന കടലിനു എന്തും മായ്ക്കാൻ കഴിയും...തിര എണ്ണിയാൽ മതി.

ഇരുട്ടിൽ നനഞ്ഞു നില്കും സന്ധ്യയേ... വെളിച്ചം നീ മറക്കയാണോ ?

നിന്നെ തേടി നടക്കും സുര്യനെ... ഒളിച്ചു കളിച്ചു നടക്കുകയാണോ ?

പാതി അടഞ്ഞ പൂക്കളെ നീ... പാട്ടുപാടി ഉറക്കുകയാണോ ?

കുറുമ്പ് കാട്ടും രാത്രിയെ നീ .... കാത്തു കാത്തു നിൽകയാണോ ?

ദൂരേ കേൾക്കും കായൽ പാട്ടിൽ ... കൂടെ ആടി രസിക്കയാന്നോ ?

കു‌ടെ കളിക്കും കള്ളിപ്പെണ്ണിന് നീ ... കാവലായി നിൽക്കയാണോ ?

കരയാൻ മടിച്ച മേഘക്കൂട്ടം തണലായ്‌ മുകളിൽ നിറയുവാണോ?

വെന്തു നീറി നിൽക്കും വാനം .... ഭംഗി നിന്റെ കൂട്ടെയെന്നോ ?

കടൽകാറ്റിൽ ആടും എന്നെ നോക്കി നീ ചിരിക്കയാണോ ?

ഓർമ്മിക്കാൻ ആരുമില്ലാത്തവനെ നീ മറക്കാതെ തിരക്കയാണോ ?